Schlans

Schlans è in vitget situà sin la spunda sanestra tranter Trun e Breil aut sur il Rain Anteriur. En il temp medieval na ha Schlans betg fatg part da la Cadì, mabain dal domini dals signurs locals de Slauns (attestads il 1220). La tur da defensiun a Schlans ed il chastè da Salons sur Schlans èn vegnids erigids enturn il 1200. Dapi il 1851 ha Schlans fatg part, sco settavla vischnanca, al circul da la Cadi. La vischnanca ha stuì far grondas investiziuns per rempars cunter lavinas e bovas oravant tut suenter la catastrofa dal november 2002. Dapi il 2012 fa Schlans part da la vischnanca da Trun. [Tenor e-lir].

(Foto: Adrian Michael / CC BY-SA 3.0)