Mutten

Mut (Mutten) è ina culegna a trais stgalims situada a 1395 m sin la spunda sid dal Meir, cun Mut Sut (culegna principala abitada durant l'entir onn), Stafel (1761 m, culegna da vacanzas cun aclas) e Mut Sura (1863 m, culegna da stad e da vacanzas). Mut furmava pli baud in unicum sco suletta vischnanca da lingua tudestga e refurmada en il circul d'Alvaschagn. La via charrabla construida il 1869 ha pussibilità in turissem moderà. A chaschun da la refurma territoriala dal Grischun è la vischnanca vegnida attribuida il 2016 a la regiun Viamala e dapi il 2018 tutga Mut tar la vischnanca da Tusaun. [Tenor e-lir].

(Foto: Adrian Michael / CC BY-SA 3.0)