«Marionna» e «Pregiudizis»

L’onn 1875 cumparan en il feuilleton da la gasetta liberala ‹Il Patriot› ils dus raquints ‹Marionna› e ‹Pregiudezis› che duevan restar las duas sulettas ovras narrativas da Giacun Hasper Muoth. Entant che ‹Pregiudezis› (er numnà ‹Il Scheiver de Cresta›) vegn preschentà sco «novella originala», sa tracti tar ‹Marionna› – sco che Muoth scriva sez en la reediziun dal text – d’ina «novella imitada».