Tractament sanitar dals animals

Malsognas ed epidemias d’animals da niz muntavan ina smanatscha dubla per l’uman: Per l’ina s’expona l’uman a privels per l’atgna sanadad cun consumar products d’animals infectads. Per l’autra na sa lascha muvel ch’è pertutgà d’ina malsogna infectusa ni vender sin martgads locals ni exportar, uschia che epidemias d’animals pudevan periclitar la basa d’existenza d’entiras valladas.