Dumbraziuns dal pievel

Il 1860 ed il 1870 è vegnida relevada la «lingua principala da las chasadas», tranter il 1880 ed il 1980 la «lingua materna» da mintga abitant(a). Il 1990 ed il 2000 è vegnida relevada l'appartegnientscha linguistica a basa da las dumondas: 1. Quala è la lingua en la quala vus pensais e che vus savais il meglier? 2. Quala(s) lingua(s) discurris vus regularmain? A partir dal 2010 è vegnida reorganisada la dumbraziun dal pievel: i na dat betg pli ina gronda dumbraziun naziunala cumplessiva dentant vegnan fatgas mintg'onn enquistas a basa dals registers ed enquistas da sondagi cumplementaras.