Vita muntagnarda enturn il 1950

Peter Ammon è in dals emprims fotografs svizzers che ha fatg maletgs en colur. El è viagià enturn 1950 atras la Svizra ed ha fotografà la vita muntagnarda. Per il solit enconuschan ins be fotografias en nair ed alv da quel temp. Perquai èn las fotografias dad Ammon insatge singular. L’onn 2006 è cumparì tar «Aura» a Lucerna in cudesch che preschenta quest material prezius. Il cudesch è partì en set chapitels per set regiuns svizras. Il segund chapitel mussa radund ventg fotografias dal Grischun. Las bleras derivan da l’Engiadina Bassa e dal Puschlav. Duas fotografias èn fatgas en Lumnezia. Ils texts accumpagnants èn mintgamai cuntegnids en il cudesch en tut las quatter linguas naziunalas.