Museum Meister da Vuorz

Il Center dal maister da Vuorz sa deditgescha ad in artist dal temp medieval ch'ins n'enconuscha betg per num. Pervia da ses frescos en la baselgia da Vuorz vegn el simplamain numnà maister da Vuorz. Durant l'emprima mesadad dal 14avel tschientaner ha quest artist picturà baselgias ed edifizis profans en il Grischun. Sia ovra vala sco singulara per la pictura da paraid al nord da las Alps. Il Center dal maister da Vuorz preschenta las ovras dal pictur, mussa sia impurtanza e sia influenza ed illustrescha il temp che l'artist ha vivì. Il Center dal maister da Vuorz è a medem temp il museum local da Vuorz. [Tenor Museums grischuns].