La baselgia da Sontg Martin a Ziràn è ina da las grondas custaivladads culturalas ed artisticas da noss chantun. Radund 100'000 persunas visitan mintg'onn quest sanctuari cun ses palantschieu da cassettas en lain. Las scenas biblicas picturadas en stil roman èn las pli veglias ch'existan oz insumma anc uschè cumplet. Sin 153 tavlas vegnan preschentads motivs dal vegl e dal nov Testament sco er scenas or da la vita da Son Martin. Ils maletgs dateschan d'enturn l'onn 1114. Ils picturs n'èn betg conuschents, ma experts èn da l'opiniun ch'i sa tractia d'artists indigens. Las picturas avevan ina funcziun instructiva, siond che la gronda part dal pievel era analfabeta da quel temp.
(Foto: © 2009 Andrea Badrutt, Chur)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
