Haldenstein

Lantsch Sut (Haldenstein) è il num d'in anteriur signuradi (fin il 1803) e chastè. La vischnanca aglomerada, situada al nord da Cuira a sanestra dal Rain, ha ina fatscha d'impurtanza naziunala. Sin la spunda dal Calanda, a 1400 m, sa chatta l'aclaun Batänja ch'è stà abità fin il 1868. Il signuradi da Lantsch Sut aveva trais chastels: il chastè da Haldenstein, erigì enturn il 1150 sin in grip sur la vischnanca; il chastè da Lichtenstein, construì en il 12avel tschientaner sin in spelm al nord da la vischnanca; ed il chastè-cuvel da Grottenstein che sa chatta al pe d'ina paraid-crap dal Calanda. [Tenor e-lir].

(Foto: Adrian Michael / CC BY-SA 3.0)