Wayback Machine

Dapi l'onn 1996 archivescha il project «Internet Archive: The Wayback Machine» a moda sistematica las paginas d'internet da tut il mund. Versiuns da paginas daditg sparidas restan uschia accessiblas er a lunga vista per lavurs da retschertga e sco archiv cumplessiv dal mund virtual. Sa chapescha pon ins er dar in sguard enavos sin versiuns pli veglias da paginas d'internet rumantschas. Faschai l'emprova ed as laschai fascinar da questa maschina da temp plain surpraisas.