Register da las «Annalas»

Dapi l’onn 1886 edescha la Societad Retorumantscha sia retscha scientifica «Annalas». Fin ussa èn cumparidas 123 annadas. Durant ils onns 2005-2009 èn vegnidas fatgas las endataziuns da tut ils toms existents per il register electronic. Dapi il december 2010 è quel accessibel en l’internet. Il register na cumpara betg en furma stampada, mabain vegn mess a disposiziun a las utilisadras ed als utilisaders online.